Blogger Widgets font-family: Ayar, "Ayar Takhu", "Ayar Kasone", "Ayar Nayon";

Monday, January 21, 2013

ကချင် စစ်ပွဲ ကိစ္စ....(ကိုထိုက်)



Ko Htikeကချင် စစ်ပွဲ ကိစ္စမှာ .... မြေပြင် ကိစ္စ သတင်းအတိအကျ သိဖို့ဆိုတာ အင်မတန်ခက်တာဆိုတော့ ရမ်းသမ်း မှတ်ချက်ပေးပြီး ဘယ်သူ လွန်တယ် ... ဘယ်သူမှားတယ်ဆိုတာ မပြောလိုပါဘူး။ ဒါပေမယ့် .. အဆုံးစွန်ဘက် ကနေ ကြည့်ရင်တော့ ... ကချင် ပြည်နယ်ထဲမှာ စစ်ပွဲတွေ ဖြစ်နေတာမို့ ... ထိုးစစ်ဆိုတာ အစိုးရတပ်ကပဲ လုပ်နေတာလို့ သုံးသပ်လို့ ရပါတယ်။ စစ်ကိုင်းတိုင်းမှာ စစ်လာဖြစ်နေရင်တော့ ... ဒါ ကချင် တပ်ရဲ့ ထိုးစစ်ပေါ့။ သာမန် လူတိုင်းက ဒီလိုပဲ မြင်ပါတယ်။

.. ဒီတော့ စစ်ဗျူဟာကို နားလည်နေတဲ့ အစိုးရတပ်ရဲ့ အုပ်ချုပ်ရေး သမားတွေပဲဗျာ ... "စစ်ဆိုတာ ကိုယ်က ရပ်မယ်ဆိုတိုင်း သူတို့က မရပ်ရင် ရပ်လို့မှ မရတာ" ... "သူတို့က လာတိုက်ရင် ကိုယ်က ပြန်ခုခံရမယ်" .. လို့ ခပ်လွယ်လွယ် မှတ်ချက် ပေးတာ မသင့်တော်ပါဘူး။ ပညာမဲ့လွန်းပါတယ်။


စစ်ပွဲကို ရပ်လို့မရနိုင်ဘူး ... ကချင်တွေက လာတိုက်တာ ရှိနိုင်မယ်ဆိုတာကို အစကတည်းက ထည့်တွေးပြီး ... စစ်ရေး ဗျူဟာဆန်ဆန် ကြေငြာချက် ထုတ်ပါလား။

... ဘယ်တပ်တွေက ဘယ်မှာ စခန်းချထားတယ်။ ဘယ်နေရာတွေက အစိုးရတပ်တွေရဲ့ စိုးမိုး ဒေသတွေ ဖြစ်တယ်။ ဒါတွေကို လာတိုက်မယ်ဆိုရင် ပြန်ခုခံရမယ့် ခုခံစစ် ဖြစ်ပြီး .. လိုအပ်ရင် နောက်ထပ် လာမတိုက်နိုင်အောင် နယ်မြေရှင်းလင်းရေးကို ဘယ်ဒေသအထိ လိုက်လုပ်မယ်။ သို့သော် လာမတိုက်ရင် ... အပစ်ရပ်ထားမှာ ဖြစ်တယ်။

ရှေ့တန်းမှာ ဘယ်တပ်တွေက ရှိနေတယ်။ ဒါတွေကို ဘယ်လမ်းကြောင်းက ဆုတ်မယ်။ အဲဒီ လမ်းကြောင်းမှာ လုံခြုံရေး ယူထားမယ်။ လာတိုက်ရင် .. တိုက်တဲ့သူက အလွန် ဖြစ်တာကြောင့် ... အပစ်ရပ်ရေးမှာ အစိုးရတပ်က တိုက်တာ မဟုတ်ဘူး ဆိုတာ သိအောင် ကြေငြာပါတယ်။ ဒါကြောင့် အပြည့်အဝ အပစ်အခတ် ရပ်ရေးကို ... ကြိုးစားဆောက်ရွက်နေပါတယ် ဆိုတာမျိုး ... အတိအကျ ထုတ်ပြန်လိုက်ပါလား။

ဒါတွေကို ကချင်ဘက်က လိုက်တိုက်တယ်ဆိုတာ ဖြစ်ရင် ... အစိုးရ စစ်တပ်က ပြန်တိုက်ရရင် .. ဘယ်သူ လွန်တယ်ဆိုတာ သိနိုင်မယ်။

အခုကတော့ ရပ်မယ် ပြောပြီး နေ့တိုင်း စစ်ပွဲတွေ ဆက်ဖြစ်နေတော့ ... ရပ်ဖို့ ပြောတဲ့ ... သမ္မတလည်း ငပေါကြီးဖြစ်၊ လွှတ်တော်လည်း ငပေါတွေနဲ့ ဖွဲ့စည်းထားတဲ့ အဖွဲ့ကြီးဖြစ် .. အစိုးရ သတင်းကြေငြာချက်ဆိုတာလည်း ပြောသမျှကို ယုံစရာဆိုတာ အရင်ကလည်း မရှိခဲ့ဘူး။ အခုလည်း မယုံရဘူး ... စတဲ့ အယုံအကြည့်မဲ့မှုက ပြည်သူတွေကြားမှာ တနေ့ ပိုကြီးလာတာပဲ အဖတ်တင်တယ်။

ငြိမ်းချမ်းရေး တကယ်လိုချင်တယ်ဆိုရင် ဒီလောက် မခက်ပါဘူးဗျာ။ ငြိမ်းချမ်းချင်တဲ့ ဆန္ဒရှိဖို့ပဲ လိုပါတယ်။

အခု စစ်ဆက်ဖြစ်နေတာကတော့ ... ငြိမ်းချမ်းချင်တဲ့ ဆန္ဒဟာ ကင်းမဲ့နေတယ်ဆိုတာ ထင်းရှားနေတယ်။

(ကိုထိုက်)

No comments:

Post a Comment

Post a Comment